تعلم اللغة الالمانية بطريقة صحيحة

تعلم اللغة الالمانية :

إذا كنت مهتمًا في تعلم اللغة الألمانية، فهناك العديد من الطرق العملية, من تجربتي مع اللغة و مشان ما تضيعوا وقتكم رح اعطيكم حلول لتعلم اللغة الالمانية شوف يللي بناسبك منها.

الطرق الصحيحة لتعلم اللغة الالمانية :

1- حاول كل يوم تحفظ عدد من المفردات الجديدة بشرط انك ما تضغط نفسك يعني لا تحاول تعلم قوائم و تجمع كلمات لانك رح تنساها و رح تضيع وقتك بكفي كلمة او كلمتين او حسب قدرتك المهم تستخدمها و ما تنساها .

2- القاموس لازم يكون صديقك و جاهز على جوالك دائما افضل من تجربتي هو arabdict

3- وقت فراغك فتاح القاموس و حاول تكتب كلمات ممكن تحتاجها او بتخطر على بالك او بتحس انك كتير بتحتاجها و شوف معناها كيف .

4- خفف و الافلام و العربية و المسلسلات العربية , خليك على الالماني احيانا مع ترجمة و احيانا بلا ترجمة شوف الفلم كذا مرة, رح تكتشف انك كل مرة بتفهم اكتر و بتتعلم كلمة جديدة .

5- دور على كورس لغة مع مدرس شاطر و حاول تعطي الكورس اهتمام و حاول تحكي مع المدرس كتير و لا تخجل مهما حكيت غلط .

6- بالطريق وين ما كنت حاول تحكي اذا بدك شي بدون خوف و خجل, الناس بتعرف انك بتتعلم و بساعدوك عادي شوي شوي بتلاقي حالك بتحكي احسن و اسرع .

7- اذا حدا ضحك عليك و انت بتحكي لازم تعرف انه هو ما بيعرف يحكي, الناس يللي بتحكي منيح بتقدر و ما بتعمل هيك او بتحرج الناس يللي بتعلمو ابدا .

8- حاول تتعلم اللغة من اهل اللغة و لا تضيع وقتك على اليوتيوب لانك ما رح تتعلم شي .

9- سماع الراديو كتير بعرف انك ما رح تفهم عادي لا تنزعج و خليك مصر تسمع على طول, لانه الاذن شوي شوي بتتعود على سماع اللغة و بصير السمع عندك قوي كتير مع الوقت .

10- تسلى بالجرايد و القصص و حاول تترجم شوية كلمات, بالبداية بتشوف الموضوع صعب و ممل بعدين بصير متعة عندك و بصير عندك كم كبير من الكلمات .

11- لا تضغط نفسك بشكل كبير الشي الزايد ما رح تحفظه و هو مضيعة للوقت حاول تعرف قدراتك صح .

12- حاول تشوف مجموعة اصدقاء او نادي المان يكونوا و حاول تكون معهن ما رح تفهم بعرف بس معك معك رح تفهم و الا ما تلاقي منهن حدا منيح يساعدك .

13- اللغة بدها صبر اذا ما عندك صبر بتشوف التعليم كتير صعب .

هل استطيع تعلم اللغة الالمانية من خلال العمل فقط :

14- اذا مفكر انه رح تتعلم اللغة من الشغل بس تشتغل بدون اي كورسات أو دراسة بتكون عم تحلم طبعا , هون ما حدا فاضي يعلمك و اذا ما كنت بتحكي ما رح تلاقي شغل منيح.

نصائع عامة لتعلم اللغة الالمانية :

مهم جداً التدريب الدائم لمهارات اللغة المختلفة، مثل القراءة والكتابة والمحادثة, عليك أيضًا التركيز على التدريب الدائم والتكرار للحفاظ على ما تتعلمه, بمجرد الحصول على المعرفة الأساسية في اللغة الالمانية، يمكن العمل على الاستمرار في التعلم من خلال التطبيق العملي مع الناطقين الأصليين والقراءة والكتابة و مشاهدة التلفزيون باللغة الألمانية والإستماع إلى الراديو .

اذا بتشوف بالإنترنت عناوين متل ” تعلم الالمانية في اسبوع ” أو ” تعلم الالمانية في خمسة ايام ” تجاهلها فوراً ولا تحاول تضيع عليها حتى دقيقة .